وزیر دفاع خواجہ آصف نیسپریم کورٹ کے سیئنر ترین جج منصور علی شاہ کے خط پر ردعمل میں کہا ہے کہ یہ سلیکٹیو سینس آف جسٹس آپ کے مقام کو زیب نہیں دیتا ۔سوشل میڈیا پر اپنے ایک بیان میں خواجہ آصف نے کہا کہ نہایت محترم جسٹس منصور علی شاہ نے خط میں ایک خدشے کا اظہار فرمایا ہے۔ انہیں خدشہ ہے ان کے خط کے مندرجات پہ عمل نہ ہوا تو عوام کا عدلیہ پر سے اعتماد اٹھ جائے گا، محترم جج صاحب اعلی عدلیہ کے ساتھ ایک عرصہ دراز سے وابستہ ہیں۔خواجہ آصف نے کہا ہے کہ ان کی اس وابستگی کے دوران عدلیہ کے ساتھ جو کچھ ہوا وہ اس کے عینی گواہ ہیں، ثاقب نثار، کھوسہ صاحب، اعجاز الاحسن، مظاہر نقوی عدلیہ کا وقار پامال کرنے والے چند نام ہیں۔ انہوں نے کہا کہ بہت سے اور بھی صاحبان عدلیہ کے وقار کو پامال کرنے والے ہیں، محترم شاہ صاحب! اس وقت عوام کا اعتماد مجروح ہونے کا آپ کو خیال نہ آیا یا یہ شکایت کسی ذاتی وجہ سے ہے؟ وزیر دفاع نے لکھا کہ محترم شاہ صاحب؟ آپ بہت بڑے مقام پہ فائز ہیں، میرے لیے آپ محترم ہیں۔خواجہ آصف نے یہ بھی کہا ہے کہ محترم شاہ صاحب! یہ سلیکٹیو سینس آف جسٹس آپ کے مقام کو زیب نہیں دیتا۔

کریڈٹ : انڈیپنڈنٹ نیوز پاکستان-آئی این پی