وزیراعظم شہباز شریف نے کہا ہے کہ قوم کے نڈر سپوتوں اور شہداء نے دفاع وطن کیلئے بہادری اور جرات کی لازوال داستان رقم کی، حوالدار لالک جان شہید کی دفاع وطن کیلئے بہادری اور جرات کو ہمیشہ یاد رکھا جائے گا،قوم لالک جان کے یوم شہادت کے موقع پر خراج عقیدت پیش کرتی ہے،اللہ حوالدار لالک جان شہید سمیت تمام شہداء کے درجات بلند کرے۔جمعہ کے روز حوالدار لالک جان شہید کے یوم شہادت کے موقع پر خصوصی پیغام میں وزیراعظم شہباز شریف نے شہید کو خراج عقیدت پیش کرتے ہوئے کہا کہ شہادت ہے مطلوب و مقصود و مومن، نہ مال غنیمت نہ کشور کشائی، مجھ سمیت پوری قوم حوالدار لالک جان شہید کو یوم شہادت کے موقع پر خراج عقیدت پیش کرتی ہے،قوم کے نڈر سپوت نے دفاع وطن کیلئے بہادری اور جرات کی لازوال داستان رقم کی،لالک جان شہید کی دفاع وطن کیلئے بہادری اور جرات کو ہمیشہ یاد رکھا جائے گا،دہشتگردی کیخلاف جنگ ہو یا وطن کے دفاع کا معاملہ، غازیوں نے ہمیشہ پیشہ وارانہ مہارت اور شہداء نے جانوں کا نذرانہ پیش کیا،شہداء اور غازیوں نے قومی نظریے، ملکی سالمیت اور آزادی کے تحفظ کو یقینی بنایا،اللہ سے دعا ہے کہ حوالدار لالک جان شہید سمیت تمام شہداء کے درجات بلند کرے۔

کریڈٹ: انڈیپنڈنٹ نیوز پاکستان-آئی این پی