مسلم لیگ (ن) کی رہنما حناپرویز بٹ اپنے قائد نوازشریف کی تصویروں والی قمیض پہن کر الیکشن کمیشن کے آفس پہنچ گئیں ، انہوںنے صوبائی اسمبلی کے حلقہ پی پی 160اور پی پی 155سے کاغذات نامزدگی جمع کروا دیئے ۔ اس موقع پر سابق رکن پنجاب اسمبلی حنا پرویز بٹ نے کہا کہ خواتین کو جنرل الیکشن میں ضرور حصہ لینا چاہیے،ان دونوں حلقوں کی خواتین میرا ساتھ دیں ،انشااللہ میں الیکشن جیتو گی۔انہوں نے کہا کہ عمران خان ایک بزدل شخص ہے،لیڈر فرنٹ سے لیڈ کرتا ہے اور گیدڑ چھپ کے بیٹھ جاتا ہے،تحریک انصاف کے لوگوں نے پولیس اور رینجرز پر پیٹرول بم سے حملے کیے،عمران خان کو چاہیے تھا عدالتی حکم مانتا اور ملک میں ایسے فتنہ اور فساد نہ پھیلاتا۔

کریڈٹ: انڈیپنڈنٹ نیوز پاکستان-آئی این پی