حکومت نے برآمد کنندگان کو بیرون ملک سے ملنے والا سرمایہ پاکستان لانے کا پابند بنانے پر غور شروع کردیا۔وزارت تجارت کے ذرائع کے مطابق کھانے پینے کی اشیا کی برآمد کو مانیٹر کرنے کی تجویز دی گئی ہے جب کہ پھل، گوشت، مرغی، چینی اور چاول کی برآمد پالیسی کو بھی سخت کرنے کی تجویز ہے۔ ذرائع وزارت تجارت کے مطابق اشیا باہر بھجوا کر یہاں قلت کے نام پر مہنگائی کی جاتی ہے، برآمد کرنے سے اگر وہ چیز مہنگی ہوئی تو سخت اقدامات کیے جائیں گے جب کہ اشیا کی درآمد بھی بروقت ممکن بنانے کے لیے اقدامات جاری ہیں۔ذرائع کا کہنا ہے کہ اسمگلنگ روکنے سے ایک سال میں مہنگائی میں کمی آئی، بارڈر پر مزید سختی کرنے کی تجویز بھی دی گئی ہے جب کہ برآمد کنندگان کو آئندہ بیرون ملک سے ملنے والا سرمایہ پاکستان لانے کا پابند کرنے کی تجویز ہے۔ ذرائع نے مزید بتایا کہ تمام اقدامات کی منظوری وفاقی کابینہ سے لی جائے گی۔

کریڈٹ: انڈیپنڈنٹ نیوز پاکستان-آئی این پی