پاکستان نے اپریل تک ملک میں فائیوجی ٹیکنالوجی لانچ کرنے کی ٹھان لی ہے،حکومتی رعایت اور پبلک پرائیویٹ پارٹنرشپ سے مالی دبائو کم ہونے کی توقع کی جارہی ہے۔حکومت کے اپریل تک فائیو جی ٹیکنالوجی لانچ کرنے کے منصوبہ پر پی ٹی اے نے کئی چیلنجز کی نشاندہی کردی ہے،پی ٹی اے نے کہا ہے فائیو جی کیلئے کہ مہنگی فائبر اسمال سیلز سائٹس اورموبائل ٹاورز پر جدید آلات لگانا پڑیں گے،جس کیلئے موجودہ نیٹ ورک اور انفراسٹریکچر میں وسیع سرمایہ کاری درکار ہو گی،بھاری سرمایہ کاری کی مقررہ مدت میں واپسی بھی ایک چیلنج قرار دی گئی ہے۔پی ٹی اے کا کہنا ہے کہ فائی جی آنے پر شہری علاقے تو جلد مستفید ہوسکیں گے،لیکن دیہی علاقوں کے پیچھے رہ جانے کا خدشہ ہے۔ڈی جی پی ٹی لائنسنگ عامرشہزادکا کہنا ہے کہ انفراسٹریکچر کی ڈیپلائمنٹ ھے اسکی کاسٹ بہت زیادہ ھے کیونکہ ہر ٹاور تک آپ نے فائیبر کنکٹیویٹی پہنچانی ھے اسکے اوپر نیا ایکویپمنٹ لگنا ھے جس کے اوپرفائیو جی کی لیئرہوگی اسکے آپکے ہینڈ سیٹ روئٹرز سوئچز ان سب کی ایک قمیت ھے اور پھر آپ یوز کیس جو بھی ٹیلی کام آپریٹر ھے اس میں انوسٹمنٹ کرے گا تو وہ یہ دیکھے گا کتنے لوگ اسکو ایفوڈ کرسکتے ہیں۔پی ٹی اے کے مطابق حکومتی رعایت اورپبلک پرائیویٹ پارٹنرشپ سے مالی دبا کم کرکے تیز ترین ڈیجیٹل ٹرانسفارمیشن کے نئے دور میں قدم رکھا جاسکتا ہے۔فائیو جی یہ ہیکہ لائیو اسٹریمنگ سیایک اسٹیپ اپ آگے چلے جائینگے،اس کے اندر آپکی کی اسپیڈ جو ہیسو گناہ زیادہ ہو جائے گی اور مشین ٹو مشین کمیونیکشن بہت آسان ہوجائے گی۔پی ٹی اے حکام کایہ بھی کہنا ہے کہ مشکلات ضرورحائل ہیں،لیکن فائیو جی لانچ ہونے پر آئی ٹی سیکٹر اورصارفین کی کایا پلٹ جائے گی ۔

کریڈٹ : انڈیپنڈنٹ نیوز پاکستان-آئی این پی