گوجرانوالہ تھانہ کینٹ کے علاقے اقبال ٹاون میں دو بھائیوں سمیت 4 افراد کے قتل کا اندوہناک واقعہ پیش آیا ہے ۔ پولیس کے مطابق ملزمان نے گھر میں سوئے ہوئے مقتولین کو گولیاں مار کر بے دردی سے قتل کیا ، مقتولین میں دو سگے بھائی احمد ، خالد اور دو کزنز اظہر اور امانت شامل ہیں، ملزمان واردات کے بعد موقع سے ہوائی فائرنگ کرتے ہوئے فرار ہو گئے۔ واقعے کی اطلاع ملنے پر پولیس کی بھاری نفری موقع پر پہنچ گئی اور لاشوں کو تحویل میں لے کر پوسٹ مارٹم کے لیے ہسپتال منتقل کر دیا۔ پولیس کا بتانا ہے کہ ملزمان اور مقتولین میں جائیداد کا تنازع اور سابقہ دشمنی چل رہی ہے، ملزمان میں مقتول کا سگا بھائی اور بھتیجے شامل ہیں۔ پولیس نے موقع سے شواہد اکٹھے کر کے واقعہ کی مزید تفتیش شروع کر دی ہے۔

کریڈٹ: انڈیپنڈنٹ نیوز پاکستان-آئی این پی