پنجاب کے ضلع گجرات کے نواحی گاں میں ناخلف بیٹے نے ناشتہ دینے میں تاخیر پر روزے دار ماں کو قتل کردیا۔ میڈیارپورٹ کے مطابق یہ افسوسناک واقع گجرات میں انڈسٹریل اسٹیٹ 2 پولیس اسٹیشن کی حدود میں واقع مراریاں گائوں میں پیش آیا، جہاں ایک شخص نے مبینہ طور پر ناشتہ دینے میں تاخیر پر اپنی روزے دار ماں کو قتل کردیا۔پولیس ذرائع کے مطابق عثمان نواز نامی شخص نے اپنی والدہ رضیہ بی بی کو ناشتہ بنانے کو کہا تھا، تاہم ماں نے کہا کہ روزے سے ہے اور کچھ آرام کرنا چاہتی ہے اس لیے وہ کچھ تھوڑا صبر کرے۔ماں کی جانب سے ناشتہ دینے میں تاخیر میں ناخلف بیٹا مشتعل ہوگیا اور اپنی ماں کے سر پر آہنی سلاخ دے ماری جس کے نتیجے میں روزے دار خاتون موقع پر دم توڑ گئیں۔واقعے کی اطلاع ملتے ہی پولیس نے جائے وقوعہ پر پہنچ کر ملزم کو گرفتار کرلیا اور خاتون کو لاش کو پوسٹ مارٹم کے لیے عزیز بھٹی شہید ٹیچنگ ہسپتال منتقل کردیا۔پولیس ملزم کے خلاف اس کے بھائی فرمان علی کی مدعیت میں تعزیرات پاکستان کی دفعہ 302 کے تحت مقدمہ درج کرلیا۔

کریڈٹ: انڈیپنڈنٹ نیوز پاکستان-آئی این پی