سابق وزیرداخلہ شیخ رشید نے کہا ہے کہ جو کہتے تھے عمران خان کوسیاست نہیں آتی ان کوعقل آجانی چاہیے ،ملک معاشی طورپردیوالیہ پرپہنچ چکاہے، غریب کی فاقہ کشی حکمرانوں کی موج مستی ملک میں تصادم کرائیگی،گزشتہ روز سماجی رابطے کی ویب سائٹ ٹویٹر پر ایک پیغام میں سابق وفاقی وزیر داخلہ وعوامی مسلم لیگ کے سربراہ شیخ رشید احمد نے کہا کہ میں چار دنوں کے لئے یو کے آیا ہوں۔لندن اور مانچسٹر میں پاکستانیوں سے ملاقات کروں گا۔یہاں سارے پاکستانیوں کو سپریم کورٹ سے توقع ہے کہ جلد اورسیز کو ووٹ کاحق ملے گا۔ انہوںنے کہا جو کہتے تھے عمران خان کوسیاست نہیں آتی ان کوعقل آجانی چاہیے شہبازشریف پرعدم اعتماد بھی آسکتی ہے اپریل تک الیکشن شیڈول بھی آسکتاہے ملک معاشی طورپردیوالیہ پرپہنچ چکاہے حکمرانوں کواپنی عیاشیوں سے فرصت نہیں ہے چندہفتوں میں سیاست میں ہمہ گیر تبدیلیاں آسکتی ہیں13سیاسی جماعتوں کابھان متی کاکنبہ اپنی سیاسی موت مررہا ہے اور یہ پاکستان کوبھی اپنی لپیٹ میں لے رہاہے غریب کی فاقہ کشی حکمرانوں کی موج مستی ملک میں تصادم کرائیگی۔

کریڈٹ: انڈیپنڈنٹ نیوز پاکستان-آئی این پی