پی ٹی آئی کے رہنما فواد چوہدری کی اہلیہ حبا چوہدری نے کہاہے کہ فواد چوہدری کے ساتھ یہ سلوک کرنے والوں کے لیے اکیلی کافی ہوں،فواد چوہدری کی عدالت میں پیشی کے موقع پر میڈیا سے گفتگو میں ان کی اہلیہ حبا چوہدری کا کہنا تھا کہ رش کے باعث میرا پائوں زخمی ہوگیا ہے۔ دھکے بھی لگے ہیں،حبا چوہدری کا مزید کہنا تھا کہ پولیس اہلکاروں سے فواد چوہدری کی پیشی کے موقع پر کوئی تکرار نہیں ہوئی۔ پولیس اہلکار فواد چوہدری سے ملنے سے ایسے روک رہے تھے جیسے ہم پتا نہیں کیا کردیں گے،ایک سوال کے جواب میں حبا چوہدری نے کہا کہ فواد چوہدری کے ساتھ یہ سلوک کرنے والوں کے لیے میں اکیلی کافی ہوں۔

کریڈٹ: انڈیپنڈنٹ نیوز پاکستان-آئی این پی