وزیراعظم شہباز شریف نے کہا ہے کہ پاکستان اپنے چینی دوستوں کی حفاظت کے لیے مکمل طور پر پرعزم ہے،چینی دوستوں کی سکیورٹی یقینی بنانے میں کوئی کسر نہیں چھوڑی جائے گی۔پیر کو وزیراعظم نے سماجی رابطوں کی ویب سائٹ ایکس پر اپنے پیغام میں کراچی کے جناح انٹرنیشنل ایئرپورٹ کے قریب دھماکے میں دو چینی شہریوں کی ہلاکت پر افسوس کا اظہار کیا ۔ وزیر اعظم نے کہا چینی قیادت، عوام اور ہلاک ہونے والے افراد کے خاندانوں سے اظہارِ تعزیت کرتا ہوں۔انہوں نے کہا کہ اس بزدلانہ کارروائی میں ملوث لوگ یقینی طور پر پاکستانی نہیں بلکہ دشمن ہیں۔ ذمہ داران کے تعین اور انصاف کی فراہمی کے لیے ابتدائی تحقیقات جاری ہیں۔ان کا کہنا تھا کہ پاکستان اپنے چینی دوستوں کی حفاظت کے لیے مکمل طور پر پرعزم ہے۔ چینی دوستوں کی سکیورٹی یقینی بنانے میں کوئی کسر نہیں چھوڑی جائے گی۔

کریڈٹ: انڈیپنڈنٹ نیوز پاکستان-آئی این پی