پاکستان میں 14 دن کی امداد کے بعد ہم اپنی پیشہ ورانہ صلاحیتوں کو پورا کرنے اور پاکستان کے ساتھ تبادلوں کو بڑھانے اور پاکستان کے صحت کے نظام کی تعمیر نو میں اپنا کردار ادا کرنے کے لیے تیار ہیں۔ ان خیالات کا اظہار پاکستان کے سیلاب متاثرین کی مدد کیلئے آنے والی چین کے صوبہ و انگسی کے طبی ماہرین کی ٹیم کے سربراہ ہوانگ وین سن نے کیا۔ ٹیم نے پاکستان میں سیلاب کے بعد طبی علاج اور متعدی بیماریوں سے بچاؤ کے لیے اپنا کام مکمل کیا ہے۔دورے کے دوران، ماہرین کی ٹیم، معدے، متعدی امراض، سانس کی ادویات، ڈرمیٹولوجی، جنرل سرجری، نرسنگ، مانیٹرنگ، تجزیہ اور متعدی امراض کی روک تھام، پینے کے پانی کی صفائی، مچھروں کے ویکٹر کی نگرانی اور ترسیل، ماحولیاتی خاتمے، اور لیبارٹری ٹیسٹنگ پر مشتمل تھی۔ ٹیم نے اسلام آباد، کراچی اور صوبہ سندھ کے بری طرح متاثرہ ضلع خیرپور کا دورہ کیا۔چائنا اکنامک نیٹ کے مطابق گمبٹ ریلیف کیمپ میں ٹیم نے خیرپور کو طبی سامان عطیہ کیا، جس میں سانس کی نالی کے انفیکشن اور متعدی اسہال کے لیے اینٹی بائیوٹک اور اینٹی وائرل ادویات، انفیکشن کے لیے ڈرمیٹولوجیکل ٹاپیکل ادویات، اینٹی الرجی میڈیسن، اینٹی ڈائیریٹک دوائی، مچھر بھگانے والی دوائی، ملیریا سے بچاؤ کی دوائیاں، بیماریوکی شناخت والی کٹس، حفاظتی لباس، طبی ماسک وغیرہ شامل ہیں۔

ہوانگ وین سن نے چائنہ اکنامک نیٹ (سی ای این) کو بتایا کہ ٹیم میں شامل ماہرین نے مقامی ڈاکٹروں کے ساتھ مل کر سیلاب متاثرین کو مفت طبی امداد فراہم کی۔ ہم نے کیمپ میں پانی کے منبع اور مچھروں اور مکھیوں کے اثرات کا بھی جائزہ لیا، اور ہیلبل کاؤنٹی کے صحت کے حکام سے سیلاب زدگان کے لیے صحت کی تعلیم کو مضبوط بنانے اور صحت مند طرز زندگی کو فروغ دینے کے بارے میں بات چیت کی۔ چائنا اکنامک نیٹ کے مطابق ہوانگ وین سن نے کہا میں مریضوں کی جانب سیشکر کا اظہار کرنے، مہمان نواز مقامی ڈاکٹروں، اور مقامی صحت کے حکام اور سیکورٹی اہلکاروں کی طرف سے مکمل تعاون سے بہت متاثر ہوا ہوں۔ چائنا اکنامک نیٹ کے مطابق ٹیم نے پاکستان کے قومی اور مقامی صحت اور ڈیزاسٹر مینجمنٹ حکام سے بھی ملاقات کی اور آفات کے بعد کے طبی علاج، صفائی ستھرائی اور وبائی امراض سے بچاؤ کے بارے میں تجاویز پیش کیں۔ انہوں نے تجویز دی کہ قومی صحت مہم، ہائیڈرولک پراجیکٹس کی تعمیر کے حوالے سے درمیانی اور طویل المدتی منصوبے، اور وبائی امراض کی نگرانی کو شہری اور دیہی صفائی ستھرائی کو بہتر بنا ئیں، سیلاب پر قابو پا ئیں، خشک سالی کے خلاف مزاحمت، اور آفات سے بچاؤ کی صلاحیت کو بڑھا ئیں اور وبائی امراض کو مؤثر طریقے سے کنٹرول کریں ۔

کریڈٹ: انڈیپنڈنٹ نیوز پاکستان-آئی این پی