اسلام آباد کی انسداد دہشتگردی عدالت نے چیئرمین پی ٹی آئی کی 3 مقدمات میں عبوری ضمانت میں 19 جولائی تک توسیع کر دی۔ چیئرمین پی ٹی آئی کیخلاف انسداد دہشتگردی ایکٹ کے تحت تھانہ کھنہ میں درج دو اور تھانہ بہارہ کہو کے ایک مقدمے کی سماعت ہوئی۔ تفتیشی افسر نے بتایا ملزم مقدمات میں شامل تفتیش ہوچکا ہے۔ پراسیکیوٹر نے کہا ملزم نے وقوعہ والے دن ٹویٹ کیا تھا۔ وکیل سلمان صفدر نے کہا چیئرمین پی ٹی آئی کے خلاف ٹائر جلانے پر مقدمات درج ہوئے۔ دہشتگردی ایکٹ کے تحت تینوں مقدمات کی کل تفتیش مکمل ہوگئی۔ جج ابوالحسنات نے ریمارکس دیئے کہ کیا عدالت صرف ضمانت دینے کے لیے بیٹھی ہے؟ ملزم بے گناہ ہے تو انصاف دیا جائے۔ تفتیش بروقت اور جامع ہونی چاہئے۔ ملک بچانے کے لیے ہم بیٹھے ہیں۔ جج نے ریمارکس دیئے کہ عدالت کسی کو سپورٹ نہیں کرتی۔ پراسیکیوشن جامع تفتیش کرے تاکہ انصاف ہو۔

کریڈٹ: انڈیپنڈنٹ نیوز پاکستان-آئی این پی