تھانہ کنگن پور کے علاقہ لوحے جٹاں میں ایک افسوسناک واقعہ میں 3 ملزمان نے مبینہ طور پر ایک لڑکی کو اجتماعی زیادتی کا نشانہ بنایا۔ تفصیل کے مطابق شیخوپورہ سے تعلق رکھنے والی متاثرہ لڑکی کو ملزم لیاقت علی نے نوکری کا جھانسہ دے کر کاہنہ بلوایا۔ درج ایف آئی آر کے مطابق، لیاقت علی متاثرہ لڑکی کو کاہنہ سے الہ آباد لے گیا جہاں سے وہ ایک گاڑی (جیپ) میں اسیکنگن پور کے علاقے میں واقع ایک حویلی لے آیا۔ا یف آئی آر کے متن کے مطابق ملزمان نے مبینہ طور پرلڑکی کے ساتھ باری باری زیادتی کی اور بعد ازاں اسے وہیں چھوڑ کر فرار ہو گئے۔ متاثرہ لڑکی نے پولیس کو دئیے گئے بیان میں تمام تفصیلات بیان کیں جس کے بعد تھانہ کنگن پور پولیس نے مقدمہ درج کر لیا۔ پولیس نے دو نامزد ملزمان لیاقت علی، جاوید اور ایک نامعلوم شخص کے خلاف مقدمہ درج کر لیا ہے، تاہم تاحال کسی بھی ملزم کی گرفتاری عمل میں نہیں آ سکی۔

کریڈٹ: انڈیپنڈنٹ نیوز پاکستان-آئی این پی