بلوچستان کے علاقے زرغون میں دہشتگردوں نے سیکیورٹی فورسز پر حملہ کیا ہے۔ دہشت گردوں کے ساتھ فائرنگ کے تبادلے میں 3 اہلکار شہید ہوگئے۔ پاک فوج کے شعبہ تعلقات عامہ (آئی ایس پی آر )کے مطابق دہشت گردوں کے ساتھ فائرنگ کے تبادلے میں 3 اہلکار بہادری سے لڑتے ہوئے شہید ہوگئے۔ سیکیورٹی فورسز کی مثرجوابی کارروائی میں ایک دہشتگرد ہلاک جبکہ دہشتگردوں کے باقی ساتھی فرار ہوگئے۔ ترجمان پاک فوج کے مطابق کوئلہ کانوں سے بھتہ خوری روکنے کیلئے چیک پوسٹ حال ہی میں بنائی گئی تھی، سیکیورٹی فورسزکی جانب سے دہشتگردوں کے خاتمے کیلیے علاقے میں آپریشن جاری رہے گا۔

کریڈٹ: انڈیپنڈنٹ نیوز پاکستان-آئی این پی