سائنس اور ٹیکنالوجی (S&T) پر دوطرفہ تعاون کو فروغ دینے کے لیے ایک سنگ میل کے طور پر بیجنگ میں سائنس اور ٹیکنالوجی تعاون مرکز کا آغاز کر دیا گیا ہے۔چائنا اکنامک نیٹ کے مطابق سائنس اینڈ ٹیکنالوجی سینٹر کا آغاز چنگ گوان سن بیلٹ اینڈ روڈ انڈسٹریل پرموشن ایسوسی ایشن (ZBRA) اور پاکستان کی اسپیشل ٹیکنالوجی زونز اتھارٹی (STZA) نے کیا ہے۔ فورم سے خطاب کرتے ہوئے چین میں پاکستانی سفیر معین الحق نے کہا کہ پاکستان کے وزیر اعظم شہباز شریف کے حالیہ دورہ چین کے دوران انفارمیشن ٹیکنالوجی چین پاکستان تعاون کے ایک اہم شعبے کے طور پر ابھری ہے ، چین پاکستان اقتصادی راہداری ( سی پیک ) کے تحت سائنس اینڈ ٹیکنالوجی مشترکہ ورکنگ گروپ قائم کیا گیا ہے۔ سفیر نے مزید کہا کہ سائنس اینڈ ٹیکنالوجی سنٹر دو طرفہ تعاون کو بڑھانے کی طرف ایک اہم پیش رفت ہو گا۔چائنا اکنامک نیٹ کے مطابق زیڈ بی آر اے کے صدر چنگ شیاو ڈونگ نے اپنے خطاب میں کہا کہ مرکز کو ایک پلیٹ فارم کے طور پر لے کر ہم چین اور پاکستان کی تمام جماعتوں کو متحرک خاص طور پر ہائی ٹیک انٹرپرائزز اور اداروں کو سائنس اور ٹیکنالوجی کے تعاون کے لیے وسائل تیار کرنے اور اکٹھا کرنے کے لیے کریں گے ۔

چائنا اکنامک نیٹ کے مطابق صدر نے مزید کہا کہ چینی سائنس اینڈ ٹیکنالوجی انٹرپرائزز کا ایک وفد گہرائی سے فیلڈ تحقیقات کے لیے اگلے سال پاکستان کا دورہ کرے گا۔ چائنا اکنامک نیٹ کے مطابق سائنس اینڈ ٹیکنالوجی مرکز کو ''چینی کاروباری اداروں کے لیے رابطہ دفتر'' قرار دیتے ہوئے ایس ٹی زیڈ اے کے ایک افسر نے بتایا کیا کہ سائنس اینڈ ٹیکنالوجی کی اختراعات، لوگوں سے عوام اور طالب علم سے طالب علم کے تعاون کے چینلز کو فروغ دینے کے علاوہ، اس مرکز کو ٹیکنالوجی کی منتقلی، تعاون اور سرحد پار سرمایہ کاری کے لیے کاروباری پلیٹ فارم ا کے لیے ڈیزائن کیا جائے گا۔ چائنا اکنامک نیٹ کے مطابق معلوم ہوا ہے کہ یہ مرکز مصنوعی ذہانت، بگ ڈیٹا، کلاؤڈ کمپیوٹنگ، روبوٹکس، مالیاتی ٹیکنالوجی، بلاک چین اور بائیو ٹیکنالوجی وغیرہ کے شعبوں میں تعاون پر توجہ مرکوز کرے گا۔

چائنا اکنامک نیٹ کے مطابق قابل ذکر بات یہ ہے کہ مرکز کو چار بڑے کام سونپے جائیں گے۔ پہلا قدم چینـپاک کاروباری اور اختراعی صلاحیتوں کو پروان چڑھانا ہے۔ دوطرفہ سائنس اینڈ ٹیکنالوجی تعاون کے لیے چینلز اور وسائل تیار کرنے کی بھی کوشش کی جائے گی۔ یہ مرکز ٹیکنالوجی کی منتقلی کے لیے چینـپاک سائنس اینڈ ٹیکنالوجی تعاون کا فریم ورک بنائے گا اور یہ پیداواری صلاحیت کے لیے تعاون کی بنیاد کو بھی فروغ دے گا۔ چائنا اکنامک نیٹ کے مطابق یہ بات قابل ذکر ہے کہ تعاون سنٹر فروری 2022 میں چنگ گوان سن بیلٹ اینڈ روڈ انڈسٹریل پروموشن ایسوسی ایشن اور پاکستان کی اسپیشل ٹیکنالوجی زونز اتھارٹی کے درمیان سائنس اینڈ ٹیکنالوجی تعاون کے حوالے سے مفاہمتی یاداشت پر دستخط کے بعد قائم جا رہا ہے ۔

کریڈٹ: انڈیپنڈنٹ نیوز پاکستان-آئی این پی