وزیرداخلہ آزاد کشمیر وقار احمد نور نے لائن آف کنٹرول(ایل او سی)پر بھارت کی تخریبی کارروائیوں کو بے نقاب کر تے ہوئے کہا ہے کہ بھارتی فوج مکار چالیں چلنے کی بھرپور کوششیں کررہی ہے،پاکستان پر الزامات سے اپنے جرائم پر پردہ ڈالنے کی کوشش کرتی ہے، بھارت کو پاک فوج کی جوابی کارروائی سے منہ کی کھانا پڑرہی ہے ، بھارت کا فیک ریکوری آپریشن منصوبہ بھی مکمل طور پر ناکام ہوگا، وہ فیک کائونٹرٹیررازم کا جھوٹا بیانیہ بناتا ہے ، ہم نے یو این کونسل کو ثبوت بھی فراہم کیے ہیں، 2016 کے بعد سے ایل او سی پر آئی ای ڈیز لگانے کے 54 واقعات سامنے آئے، بھارتی آئی ای ڈیز کے دھماکوں کے نتیجے میں متعدد معصوم شہری شہید اور زخمی ہوئے، پوری دنیا کو پتا ہے بھارت ایک دہشتگرد ملک ہے ،بھارتی فوج میں خودکشی کے واقعات میں 17 فیصد اضافہ ہوا، بھارتی فوج اپنے جوانوں کے ساتھ غیر امتیازی سلوک بھی کرتی ہے۔ان خیالات کا اظہار انہوں نے مظفرآباد میں پریس کانفرنس سے خطاب کرتے ہوئے کیا۔ وزیرداخلہ آزادکشمیر کا کہنا تھا کہ بھارتی فوج اور انٹیلی جنس ایجنسیوں کی بدامنی پھیلانے کی تفصیلات سامنے آگئیں،ایل او سی پر نہتے شہریوں پر بلا اشتعال فائرنگ اور بھارتی تخریبی سرگرمیوں کی ایک تاریخ ہے،بھارت ایل او سی پر دھماکہ خیز مواد کی نقل و حمل اور استعمال سے تخریب کاری کر رہا ہے۔انہوں نے کہا کہ 2016سے بھارتی فوج کاایل او سی پر آئی ای ڈیز لگانے کا رجحان بڑھتا چلا جارہا ہے، بٹل سیکٹر اور راولاکوٹ کے علاقے میں آئی ای ڈیز برآمد ہوئیں، 2016کے بعد سے ایل اوسی پر آئی ای ڈیز لگانے کے 54واقعات سامنے آئے ، بھارتی فوج اپنی لگائی آئی ای ڈیز کا الزام پاکستان پر لگادیتی ہے۔

وزیر داخلہ آزاد کشمیر کا کہنا تھا کہ بھارتی فوج مکار چالیں چلنے کی بھرپور کوششیں کررہی ہے، بھارت کو پاک فوج کی جوابی کارروائی سے منہ کی کھانا پڑرہی ہے، بھارت اپنے ایجنٹس کے ذریعے منشیات اورہتھیارسمگل کرانے میں بھی ملوث ہے، بھارت کا فیک ریکوری آپریشن منصوبہ بھی مکمل طور پر ناکام ہوگا۔قار احمد نور نے کہا کہ بھارت فیک کانٹرٹیررازم کا جھوٹا بیانیہ بناتا ہے، بھارتی فوج کی جانب سے فالس فلیگ آپریشنز اورجعلی مقابلے کئے جاتے رہے ہیں، ہم نے یو این کونسل کو ثبوت بھی فراہم کیے ہیں،بھارتی فوج میں خودکشی کے واقعات تیزی سے بڑھ رہے ہیں، بھارتی فوج میں خودکشی کے واقعات میں 17 فیصد اضافہ ہوا، بھارتی فوج اپنے جوانوں کے ساتھ غیر امتیازی سلوک بھی کرتی ہے۔ان کا کہنا تھا کہ بھارتی فوج جعلی مقابلوں کے ذریعے پاکستان پر الزامات سے اپنے جرائم پر پردہ ڈالنے کی کوشش کرتی ہے، بھارتی خفیہ ایجنسی کینیڈا اورامریکا میں سکھ رہنمائوں کے قتل میں ملوث ہے، پوری دنیا کو پتا ہے بھارت ایک دہشتگرد ملک ہے، بھارتی فوج کئی سالوں سے انہی عوامل پر عمل پیرا ہے۔وزیر داخلہ آزاد کشمیر نے مزید کہا کہ بھارتی فوج کشمیر کے معصوم شہریوں کو ہمیشہ دہشتگرد قراردیتی ہے، بھارتی فوج اپنے مذموم مقاصد کیلئے کسی بھی حد تک جاسکتی ہے، بھارت سویلین آبادی کو نشانہ بنارہا ہے تاکہ کشمیریوں کے حوصلے پست کیے جاسکیں ،انہوں نے کہاکہ پاکستان نے اقوام متحدہ کے حکام سے بھی بھاریت تخریبی سرگرمیوں کے شواہد کا تبادلہ کیا۔ کشمیرکا فیصلہ کشمیریوں کی خواہشات پر ہونا ضروری ہے۔ وقار احمد نور نے کہاکہ ایل او سی پر نہتے شہریوں پر بلااشتعال فائرنگ اور بھارتی تخریبی سرگرمیوں کی ایک تاریخ ہے، بھارت کو یہ نہیں بھولنا چاہییکہ پاکستان اسے بھرپورجواب دینے کی صلاحیت رکھتاہے، بھارت کی مذموم سرگرمیوں سے علاقائی سلامتی کو خطرہ ہوسکتا ہے۔

کریڈٹ: انڈیپنڈنٹ نیوز پاکستان-آئی این پی