بانی پی ٹی آئی عمران خان نے احتساب کمیٹی کو خیبر پختون خوا کابینہ کے اراکین کی کارکردگی سے متعلق رپورٹ پیش کرنے کی ہدایت کر دی۔ذرائع پی ٹی آ ئی کے مطابق بانی نے وزرا کی کارکردگی اور فنڈز کے استعمال پررپورٹ مانگی ہے۔ذرائع کا کہنا ہے کہ احتساب کمیٹی نے کابینہ اراکین کو طلب کرنا شروع کر دیا ہے۔ اس حوالے سے پی ٹی آئی کی احتساب کمیٹی کے رکن قاضی انور ایڈووکیٹ نے نجی ٹی وی سے گفتگو کرتے ہوئے کہا ہے کہ مئی کے پہلے ہفتے میں کابینہ اراکین کی کارکردگی رپورٹ پیش کرنے کا حکم ملا ہے۔قاضی انور کا کہنا ہے کہ تمام وزرا، مشیر اور معاونین کمیٹی کے سامنے اپنی رپورٹس رکھیں گے، کابینہ اراکین فنڈز اور ان کے استعمال سے متعلق کمیٹی کو معلومات دیں گے۔انہوں نے کہا کہ مئی میں اس عمل کو مکمل کر کے رپورٹ بانی پی ٹی آئی کو دی جائے گی، گزشتہ روز وزیرِ خوراک نے کمیٹی کو کارکردگی رپورٹ دی تھی۔

کریڈٹ: انڈیپنڈنٹ نیوز پاکستان-آئی این پی