اسپیکر قومی اسمبلی راجہ پرویز اشرف اور قائم مقام اسپیکر زاہد اکرم درانی کی ممبر قومی اسمبلی ناصر خان موسی زئی کے گھر پر دستی بم حملے کی شدید الفاظ میں مذمت۔ اسپیکر اور قائم مقام اسپیکر نے اپنے جاری مذمتی بیان میں کہا کہ ممبر قومی اسمبلی ناصر خان موسی زئی کے گھر پر دستی بم حملہ انتہائی شرمناک ہے، ایسے واقعات ملک میں امن کو سبوتاژ کرنے کی گھناونی کوشش ہے۔اللہ تعالی کا شکر ہے کہ اس دستی بم حملے میں ناصر خان موسی زئی اور ان کے اہلخانہ محفوظ رہے۔انہوں نے قانون نافذ کرنے والے اداروں کو اس واقعہ میں ملوث افراد کو گرفتار کر کہ قانون کے کٹہرے میں لا کھڑا کرنے کا کہا۔ اسپیکر اور قائم مقام اسپیکر کا ناصر خان موسی زئی اور ان کے اہلخانہ کے لیے نیک خواہشات کا اظہارکیا۔

کریڈٹ: انڈیپنڈنٹ نیوز پاکستان-آئی این پی