پنجاب کے شہر اوکاڑہ کے نواحی گائوں 23/1RBمیں واقع گھر کی خستہ حال چھت گرنے سے 3افراد ملبے تلے دب گئے جس کے نتیجے میں ایک خاتون جاں بحق ہوگئی ،ریسکیو زرائع کے مطابق مقامی افراد نے چھت کے نیچے سے دبنے والے افراد کو فوری نکال لیا ، واقعے کی اطلاع ملنے پر اوکاڑہ سے 2 ایمبولینسز اور ریسکیو وہیکل فوری جائے حادثہ کی طرف روانہ کی گئیں ،حادثے میں ایک خاتون جاں بحق جبکہ خاتون اور مرد سمیت دو افراد زخمی ہو گئے، ریسکیو ٹیموں نے زخمیوں کو ابتدائی طبی امداد فراہم کرنے کے بعد ڈی ایچ کیو سٹی ہسپتال منتقل کردیا،ریسکیو ذرائع کے مطابق نعش کو ضروری کارروائی کرنیکے بعد لواحقین کے حوالے کر دیا گیا ہے ، جاں بحق ہونے والی خاتون کی شناخت عابدہ زوجہ ندیم (35سال تقریبا)سکنہ 23/1RBکے نام سے ہوئی ہے ، زخمیوں میں ارشد ولد اصغر (28سال تقریبا) اور نجمہ زوجہ ریاض (40سال تقریبا)سکنہ 23/1RB کے نام سے ہوئی ہے۔

کریڈٹ: انڈیپنڈنٹ نیوز پاکستان-آئی این پی