پنجاب کے ضلع اوکاڑہ میں بارش کے باعث گھر کی چھت گرگئی، جس کے نتیجے میں خاتون اور بچہ جان کی بازی ہارگئے۔افسوسناک واقعہ نواحی گاں چک بمبی میں پیش آیا جہاں گھر کی چھت بارش کی وجہ سے گر گئی، چھت گرنے سے خاتون اور بچہ جاں بحق جبکہ 5 افراد زخمی ہوگئے۔واقعے کی اطلاع ملنے پر ریسکیو موٹر بائیک سروس، 2 ایمبولینسز اور ریسکیو وہیکل فورا جائے حادثہ پر پہنچ گئیں، ریسکیو ٹیموں نے زخمیوں کو ابتدائی طبی امداد فراہم کی جس کے بعد تمام زخمیوں کو ڈی ایچ کیو ہسپتال منتقل کر دیاگیا۔ریسکیو 1122 کے مطابق جانبحق ہونے والوں کی شناخت اقرا زوجہ منور (30 سال تقریبا) اور ایان ولد رمضان (4 سال تقریبا) کے ناموں سے ہوئی، نعشوں کو ضروری کارروائی کرنے کے بعد لواحقین کے حوالے کر دیا گیا۔

کریڈٹ: انڈیپنڈنٹ نیوز پاکستان-آئی این پی