اینٹی نارکوٹکس فورس پاکستان نے 40 کارروائیوں کے دوران 48.852 ملین ڈالر بین الاقوامی مالیت کی 2877.359کلوگرام منشیات برآمد کر کے ایک خاتون اور ایک افغان باشندے سمیت 38 ملزمان کو گرفتار جبکہ منشیات کی اسمگلنگ میں استعمال ہونے والی 12 گاڑیاں بھی قبضے میں لے لیں۔برآمد شدہ منشیات میں 14.009 کلوگرام ہیروئن، 2302.150 کلوگرام چرس ،535.400کلو گرام افیون ،10.39کلو میتھ ایمفیٹامائن آئس ،10کلو ایمفیٹامائن ، 0.880 کلوگرام کیٹامائن، 2220 عدد ایکسٹیسی گولیاںاور 17700 عدد الپرازولم گولیاں شامل ہیں۔بلوچستان نے7کاروائیوں میں2131.3کلوگرام منشیات برآمد کر لی۔کاروائیوں میں2ملزمان کو گرفتارکرلیاجبکہ ایک گاڑی بھی قبضے میں لے لی ۔ برآمدہ منشیات میں1781.3 کلوچرس اور350کلو افیون شامل ہیں ۔پنجاب نے7کاروائیوںکے دوران 166.354کلومنشیات برآمدکرکے 7ملزمان کو گرفتار کرکے 7 گاڑیاںبھی قبضے میں لے لی۔

برآمدہ منشیات میں2.874کلو گرام ہیروئن ، 112.800کلو گرام چرس،49.8کلو افیون اور 0.880کلو کیٹامائنشامل ہیں ۔خیبر پختونخوا نے12کاروائیوںکے دوران 211.648کلو منشیات برآمد کر کے 12ملزمان کو گرفتار کر لیا گیا جبکہ 4گاڑیاں بھی قبضے میں لے لی۔برآمدہ منشیات میں 10کلو ہیروئن ، 15.600کلو افیون ،161.268کلو چرس ، 10.39 کلو میتھ ایمفیٹا مائن آئس، 10کلو ایمفیٹامائن ،2000عدد ایکسٹیسی گولیاں اور 17700عدد الپرازولم گولیاںشا مل ہیں ۔ سندھ نے3کاروائیوں میں182.8کلوگرام چرس برآمد کرکے 3 ملزمان کو بھی گرفتارکیاجبکہ 2 گاڑیاں قبضے میں لے لیں۔ راولپنڈی نے11کاروائیوںکے دوران185.257کلومنشیات برآمدکرکے ایک خاتون سمیت14ملزمان کو گرفتار کر کے 2گاڑیاں بھی قبضے میں لے لیں۔ برآمدہ منشیات میں 120کلو افیون، 1.135 کلو گرام ہیروئن ،63.982 چرس اور220عدد ایکسٹیسی گولیاں شامل ہے ۔تمام مقدمات انسداد ِ منشیات ایکٹ کے تحت متعلقہ تھانوں میں درج کرکے تفتیش کا آغاز کر دیا گیا ہے ۔

کریڈٹ: انڈیپنڈنٹ نیوز پاکستان-آئی این پی