ایف آئی اے فیصل آباد نے جعلی ویزے اور اسناد پر آذربائیجان کیلئے جانیوالے 2 مسافر آف لوڈ کردئیے۔ تفصیلات کے مطابق ایف آئی اے امیگریشن حکام نے فیصل آباد ائرپورٹ پر کاروائی کرکے جعلی تعلیمی اسناد اور جعلی تعلیمی ویزا پر بیرون ملک جانے کی کوشش ناکام بناتے ہوئے آذربائیجان کیلئے جانیوالے 2 مسافر عمیر یوسف اور عثمان علی آف لوڈ کر دئیے۔ملزمان تعلیمی ویزے پر آذربائیجان جا رہے تھے۔ملزم عمیر یوسف نے جعلی میٹرک سرٹیفکیٹ کی بنیاد پر اسٹڈی ویزا حاصل کیا۔ملزم کے تعلیمی سرٹیفکیٹ پر لگی وزارت خارجہ کی مہریں بھی جعلی نکلیں۔ ملزم عمیر یوسف نے 4 لاکھ روپے میں ایجنٹ الطاف سے جعلی سرٹیفکیٹ اور ویزا حاصل کیا جبکہ ملزم عثمان علی ایم بی بی ایس اسٹڈی ویزا پر جا رہا تھا۔ملزم سے جعلی میٹرک اور ایف ایس سی اسناد برآمد ہوئیں۔ ملزم عثمان علی نے 9 لاکھ روپے میں ایجنٹ احسن سے ویزا کا معاہدہ کیا، 4 لاکھ روپے ادا کر چکا تھا۔گرفتار مسافروں کو آف لوڈ کر کے قانونی کارروائی کے لیے ایف آئی اے اینٹی ہیومن ٹریفکنگ سرکل فیصل آباد کے حوالے کر دیا گیا

کریڈٹ: انڈیپنڈنٹ نیوز پاکستان-آئی این پی