محکمہ موسمیات کاکہنا ہے کہ بلوچستان کے شمالی علاقوں میں سردی کی صورتحال برقرار ہے، پاک ایران اورپاک افغان سرحدی علاقوں میں سرد ہوائوں نے نظام زندگی کو مفلوج کردیا ۔ محکمہ موسمیات کا کہنا ہے کہ ملک کے بیشتر علاقوں میں آئندہ 24گھنٹوں میں موسم سرد اورپہاڑی علاقوں میں شدید سرد رہے گا۔ وادی زیارت، شیلابا غ ، خواجہ عمران رینج میں درجہ حرارت منفی 10، چمن، قلعہ عبداللہ، پشین، توبہ اچکزئی، توبہ کاکڑی میں منفی 6، اسکردو منفی 7، گلگت اور استور منفی 6 ریکارڈ کیا گیا۔اس کے علاوہ اسلام آباد میں صفر،کوئٹہ 1، پشاور 2، مظفر آباد 4، لاہور، ملتان 5 اور کراچی میں کم سے کم درجہ حرارت 10 ڈگری ریکارڈ کیا گیا۔

کریڈٹ : انڈیپنڈنٹ نیوز پاکستان-آئی این پی