لاہور کی انسدادِ دہشت گردی کی عدالت نے جناح ہاوس اور عسکری ٹاور حملہ کیس میں چیئرمین پی ٹی آئی عمران خان کے ضمانتی مچلکے منظور نہیں کیے،لاہور کی انسدادِ دہشت گردی کی عدالت نے چیئرمین پی ٹی آئی عمران خان کی ان کے خلاف جناح ہاوس اور عسکری ٹاور حملہ کیس سمیت 3 مقدمات میں ضمانت کے لیے 1، 1لاکھ روپے کے ضمانتی مچلکے جمع کرانے کا حکم دیا تھا،ضمانتی شہروز نے عدالت کو بتایا کہ عمران خان کی ضمانت کے لیے جو مچلکوں کی رقم عدالت نے طلب کی ہے وہ نقد رقم دینے کو تیار ہوں،عدالت نے ضمانتی سے سوال کیا کہ تم کیا کرتے ہو؟ضمانتی شہروز نے جواب دیا کہ میں عمران خان کے گھر میں سوئپر ہوں،عدالت نے ضمانتی سے پھر سوال کیاکہ میں کیسے یہ مچلکے منظور کر لوں، کل کو عمران خان نہ آئے تو تم ذمے دار ہو گے؟عمران خان کی ذمے داری لینے کے سوال پر ضمانتی شہروز خاموش ہو گیا اور اس نے کوئی جواب نہ دیا،عدالت نے ضمانتی کے ذمے داری نہ لینے پر عمران خان کے ضمانتی مچلکے منظور نہیں کیے،عمران خان کا ضمانتی گلبرگ، سرور روڈ اور شادمان تھانوں میں درج مقدمات میں ضمانتی مچلکے جمع کرانے آیا تھا۔

کریڈٹ: انڈیپنڈنٹ نیوز پاکستان-آئی این پی