گورنر خیبرپختونخوا فیصل کریم کنڈی نے کہا ہے کہ وزیراعلی خیبرپختونخوا علی امین گنڈاپور کی اسمبلی میں واپسی ان کی گرفتاری کا الزام لگانے والوں کے منہ پر طمانچہ ہے۔میڈیا سے گفتگو کرتے ہوئے وزیر اعلی کی اچانک واپسی پر ردعمل میں فیصل کریم کنڈی نے کہا کہ پی ٹی آئی والے چاہتے تھے کہ لاشیں گریں اور سیاست کا موقع ملے۔انہوں نے کہا کہ علی امین گنڈا پور پہلے بھی کارکنوں کو چھوڑ کر بھاگے تھے، اب بھی خود روپوش ہوئے۔فیصل کریم کنڈی کا مزید کہنا تھا کہ انہوں نے پاکستان دشمن ایجنڈے کو پروموٹ کیا، یہ چاہتے تھے کہ کے پی اور پنجاب کی پولیس آپس میں ٹکرائے۔

کریڈٹ: انڈیپنڈنٹ نیوز پاکستان-آئی این پی