ڈسٹرکٹ اینڈ سیشن کورٹس اسلام آباد نے آڈیو لیک کیس میں علی امین گنڈاپور کے وارنٹ گرفتاری برقرار رکھے ہیں۔ایڈیشنل سیشن جج عبدالغفور کاکڑ نے وزیر اعلی خیبر پختونخوا کے خلاف آڈیو لیک کیس کی سماعت کی، علی امین گنڈاپور کی جانب سے کوئی بھی عدالت میں پیش نہ ہوا، مقدمہ میں شریک ملزم اسد فاروق خان عدالت میں پیش ہوئے۔عدالت نے علی امین گنڈاپور کے وارنٹ گرفتاری برقرار رکھتے ہوئے سماعت ملتوی کر دی، کیس کی آئندہ سماعت 25 فروری کو ہوگی۔یاد رہے کہ وزیراعلی خیبرپختونخوا علی امین گنڈاپور کیخلاف تھانہ گولڑہ میں مقدمہ درج ہے۔

کریڈٹ: انڈیپنڈنٹ نیوز پاکستان-آئی این پی