مسلم کونسل آف امریکہ کے سربراہ رانا زمان سعیدنے کہا ہے کہ عید کے موقع پر مسلم دنیا مظلوم فلسطینی عوام کویاد رکھے اور ان کے لئے خصوصی دعائیں کی جائیں تاکہ وہ اسرائیلی سفاکیت سے نجات حاصل کر سکیں، تیل اور دیگر قدرتی وسائل سے مالا مال مسلم دنیا کے لئے شرم کا مقام ہے کہ فلسطینیوں کو گاجر مولی کی طرح کاٹا جا رہا ہے جبکہ بچوں اور عورتوں کی بے بسی کے باجود بھی مسلم حکمران خاموش ہیں، مسلم کونسل امریکہ کے صدارتی انتخابات میں فلسطینیوں کے قاتل جو بائیڈن کی بھرپور مخالفت کرے گی اس کے لئے مہم کا آغاز کر دیا گیا ہے،اتوار کو جاری اعلامیہ میں مسلم کونسل آف امریکہ چیئرمین رانا زمان سعید نے کہاہے کہ عید الفطر کی خوشیوں میں مظلوم فلسطینی عوام کے لئے خصوصی دعائیہ تقریبات کا اہتمام کیا جائے کیونکہ وہ بے یار و مددگارہیں اور بھوکے پیاسے رہ کر اسرائیلی درنگی کا سامنا کر رہے ہیں ، مسلمان حکمران اتنے بے حس اور بے غیرت ہو چکے ہیں کہ اسرائیلی بربریت کو رکوانے کے لئے کوئی کردار ادا نہیں کر رہے، انہوں نے کہا کہ مسلم کونسل فلسطینیوں سے بھر پور اظہار یکجہتی کر رہی ہیں، صدارتی انتخابات میں جو بائیڈن کو ناکام بنانے کے لئے مہم شروع کر رکھی ہے ،امریکہ میں بسنے والے مسلمان جو بائیڈن کے مقابلے میں ڈونلڈ ٹرمپ کو ووٹ دیں گے تاکہ اسرائیل کے سر پرست کو شکست سے دو چار کیا جا سکے۔

کریڈٹ: انڈیپنڈنٹ نیوز پاکستان-آئی این پی