چیئرمین پبلک اکائونٹس کمیٹی اور صدر پی ٹی آئی خیبر پختونخوا جنید اکبر نے کہا ہے کہ عید کے بعد دوبارہ احتجاج پر جانیکا پروگرام ہے ہماریاورمولانا فضل الرحمان کے فاصلے اتنے زیادہ ہیں کہ قریب لانیمیں وقت لگے گا۔ ایک نجی ٹی وی سے گفتگو کرتے ہوئے جنید اکبر کا کہنا تھا کہ جیل میں ہماری بانی سے ملاقات نہیں کرائی گئی، بدقسمتی سے عدالتی حکم کے باوجود ملاقات نہیں کرائی جارہی ہے۔انہوں نے کہا کہ ہماریاورمولانا کے فاصلے اتنے زیادہ تھے کہ ان کو قریب لانے میں وقت لگے گا،عید کے بعد دوبارہ احتجاج پر جا نے کا پروگرام ہے، عمران خان کا مولانا فضل الرحمان سمیت باقی پارٹیوں کو بھی ساتھ ملانے کا ارادہ ہے۔صدر پی ٹی آئی خیبر پختونخوا کا کہنا تھا کہ عمران خان نے توپارلیمنٹ سے باہرجماعتوں کوبھی ساتھ ملانے کا کہا ہے، ہماری خواہش ہے مولانا فضل الرحمان احتجاج میں ہمارے ساتھ شریک ہوں، اگرمولانا احتجاج میں آگئے تو بہت خوشی ہو گی، اگر نہ آئے تو ہم اپنے ورکرز پر انحصارکریں گے۔جنید اکبر نے مزید کہا کہ ہم نے مولانا پر کوئی احسان کرنا ہے اور نہ انہوں نے ہم پر، تحریک کے خدوخال سے متعلق عمران خان سے رائے لیں گے پھر فائنل ہوگا۔

کریڈٹ: انڈیپنڈنٹ نیوز پاکستان-آئی این پی