عالمی مالیاتی فنڈ (آئی ایم ایف) نے رواں مالی سال پاکستان کے معاشی شرح نموکا مقررہ ہدف حاصل نہ ہونے کاخدشہ ظاہر کردیا۔میڈیا رپورٹ کے مطابق آئی ایم ایف نے ورلڈ اکنامک آوٹ لک جاری کردیا جس میں عالمی مالیاتی فنڈ نے رواں مالی سال کے لیے پاکستان کے معاشی شرح نمو کے تخمینے پر نظرثانی کرتے ہوئے اسے 3.2 فیصد سیکم کرکے 3 فیصد کردیا۔ آئی ایم ایف نے رواں مالی سال پاکستان کے معاشی شرح نمو کا ہدف حاصل نہ ہونے کا تخمینہ لگایا ہے تاہم گزذشتہ سال کے مقابلے معاشی شرح نمو میں اضافے کی پیشگوئی بھی کی گئی ہے۔آئی ایم ایف نے آئندہ مالی سال معاشی شرح نمو 4 فیصد رہنے کی پیشگوئی ہے جب کہ گزشتہ مالی سال معاشی شرح نمو 2.5 فیصد تھی۔آئی ایم ایف کا کہنا ہے کہ رواں مالی سال پاکستان کی معاشی شرح نمو 3 فیصد رہنے کا امکان ہے جب کہ پاکستان نے رواں مالی سال کیلیے معاشی شرح نموکا ہدف 3.6 فیصد مقرر کیا ہے۔اکتوبر2024 میں آئی ایم ایف نے رواں مالی سال کے لیے پاکستان کی معاشی شرح نموکا تخمینہ 3.2 فیصد لگایا تھا۔

کریڈٹ : انڈیپنڈنٹ نیوز پاکستان-آئی این پی