بین الاقوامی مالیاتی فنڈ (آئی ایم ایف) کا وفد پیر سے پاکستانی حکام سے ملاقاتیں کرے گا۔وزارتِ خزانہ کے ذرائع کے مطابق آئی ایم کا وفد 26-2025 کی بجٹ تجاویز کا جائزہ لے گا۔آئی ایم ایف کا وفد گورننس سے متعلق تکنیکی معاونت پر فالو اپ مذاکرات کرے گا۔وفد آئندہ مالی سال کے لیے ٹیکس ریونیو اقدامات، اخراجات پر کنٹرول سے متعلق پاکستانی حکام سے مذاکرات بھی کرے گا۔ذرائع کا کہنا ہے کہ آئندہ مالی سال کا وفاقی بجٹ جون کے پہلے ہفتے میں پیش کیے جانے کا امکان ہے۔بجٹ کو حتمی شکل دینے کے لیے آئی ایم ایف کا وفد وزارتِ خزانہ کے حکام سے مل کر تجاویز تیار کرے گا۔یاد رہے کہ عالمی مالیاتی فنڈ (آئی ایم ایف) کا وفد آج پاکستان پہنچے گا، وفد اگلے مالی سال کی بجٹ تجاویز کا جائزہ لے گا۔آئی ایم ایف کا وفد ٹیکس ریونیو اقدامات پر پاکستانی حکام سے مذاکرات کرے گا، اخراجات پر کنٹرول اور ترقیاتی اخراجات سے متعلق بات ہو گی۔آئی ایم ایف کا وفد صوبوں کی طرف سے زرعی ٹیکس کی وصولی کے طریقہ کار پر عمل درآمد کے اہداف بھی مقرر کرے گا۔

کریڈٹ: انڈیپنڈنٹ نیوز پاکستان-آئی این پی