ا سلام آباد انتظامیہ کی جانب سے جلسے اور دھرنے کا این او سی جاری کرنے کیلئے 39شرائط رکھ دی گئیں ، اسلام آباد انتظامیہ نے 4صفحات پر مشتمل شرائط نامہ تیار کرلیا ، اسلام آباد انتظامیہ کی جانب سے کہا گیا کہ چیئرمین پاکستان تحریک انصاف عمران خان بیان حلفی پر دستخط کریں ، پی ٹی آئی کو جلسے کی اجازت ایک دن کیلئے ہوگی ، اور لاؤڈ سپیکر کا استعمال ممنوع ہوگا ، اسلام آباد انتظامیہ کے مطابق پی ٹی آئی جلسے میں مذہب سے متعلق بیان بازی سے گریز کیا جائے گا جلسے میں کسی قسم کے اسلحہ کی نمائش پر پابندی ہوگی ، جلسے اور مارچ میں کسی قومی یا پارٹی پرچم نذر آتش نہ ہو ، پی ٹی آئی کے اسٹیج پر کون موجود ہوگا ، یہ بھی انتظامیہ کی اجازت سے مشروط ہوگا ۔

کریڈٹ: انڈیپنڈنٹ نیوز پاکستان-آئی این پی