انسداد منشیات فورس (اے این ایف) کی ملک گیر کارروائیوں کے دوران 71 کلو منشیات برآمد کر کے 6 ملزمان کو گرفتار کرلیا گیا جبکہ لاہور میں نیوزی لینڈ بھیجے جانے والے پارسل سے 235 کلو آئس برآمد کی گئی ہے ۔تفصیل کے مطابق اے این ایف کی جانب سے ملک بھر میں منشیات اسمگلنگ کے خلاف کریک ڈائو ن جاری ہے ۔ اسلام آباد کے قریب 26 نمبر چونگی کے قریب 30 کلو چرس، 12 کلو افیون، 2 عدد 30 بور کے پستول، 4 میگزین اور 200 گولیاں برآمد کرلی گئیں۔ ایم ون اسلام آباد کے قریب دو کاروائیوں میں دو ملزمان سے 800 گرام چرس، 250 گرام ہیروئن اور 100 گرام آئس برآمد کرلی گئی۔اے این ایف کے مطابق لاہور میں کوریئر آفس سے نیوزی لینڈ بھیجے جانے والے پارسل سے 235 گرام آئس برآمد ہوئی جبکہ پشین میں گاڑی سے 24 کلو چرس اور 500 گرام آئس برآمد کر کے ملزم کو گرفتارکر لیا گیا۔ ایم ایم روڈ میانوالی پر موٹر سائیکل سوار سے 3.3 کلو چرس برآمد ہوئی۔ گرفتار ملزمان کے خلاف انسداد منشیات ایکٹ کے تحت مقدمات درج کر کر تحقیقات کا آغاز گیا ہے۔

کریڈٹ: انڈیپنڈنٹ نیوز پاکستان-آئی این پی