اے این ایف کی جانب سے منشیات سمگلنگ کے خلاف ملک گیر8کاروائیوں میں5ملزمان گرفتارکرلئے گئے جبکہ 1کروڑ41لاکھ سے زائد مالیت کی 43.543 کلو گرام منشیات برآمدہوئی۔ترجمان اے این ایف کے مطابق لاہور میں کوریئر آفس کے ذریعے برطانیہ بھیجے جانے والے پارسل سے 248 گرام ہیروئن برآمدہوئی، راولپنڈی میں کوریئر آفس کے ذریعے کویت بھیجے جانے والے پارسل سے 45 گرام ہیروئن برآمدہوئی۔ پشاور میں چارسدہ انٹرچینج کے قریب گاڑی کے خفیہ خانوں میں چھپائی گئی 30 کلو گرام چرس برآمد، ملزم گرفتار، ایم ون موٹر وے اسلام آباد کے قریب گاڑی میں چھپائی گئی 4کلو ہیروئن برآمد، ملزم گرفتارکر لیا گیا۔ اقبال شہید ٹول پلازہ جی ٹی روڈ اٹک کے قریب گاڑی سے 3.6 کلو گرام چرس برآمد، ملزم گرفتار، ا یم ون موٹر وے ٹول پلازہ اسلام آباد کے قریب ملزم کے قبضے سے 1.2 کلو افیون اور 2.4 کلو چرس برآمد، ریلوے سٹیشن لاہور پر ایک مشکوک پارسل سے 1.7 کلوگرام ہیروئن برآمد ہوئی۔ حب کے علاقے وندر میں گاڑی میں چھپائی گئی 350 گرام ویڈ برآمد، ملزم گرفتارکر لئے گئے، گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے ۔

کریڈٹ: انڈیپنڈنٹ نیوز پاکستان-آئی این پی