گوجرانوالہ کی انسداد دہشت گردی عدالت نے 9 مئی ہنگامہ آرائی کیس میں پی ٹی آئی رہنمائوں عمر ایوب اور زرتاج گل کی عبوری ضمانتوں میں 17 جنوری تک توسیع کر دی۔اے ٹی سی گوجرانوالہ میں 9 مئی ہنگامہ آرائی، توڑ پھوڑ اور جلائو گھیرائو مقدمے میں پی ٹی آئی رہنمائوں کی عبوری ضمانت کی درخواستوں پر سماعت ہوئی، زرتاج گل عدالت میں پیش ہوئیں جبکہ عمر ایوب پیش نہ ہو سکے۔اپوزیشن لیڈر عمر ایوب کی طرف سے حاضری استثنیٰ کی درخواست عدالت میں پیش کی گئی۔درخواست میں موقف اختیار کیا گیا کہ اسلام آباد سمیت مختلف عدالتوں میں پیشی کے باعث گوجرانوالہ پیش نہیں ہوسکتا جس پر عدالت نے عمر ایوب کی آج کی حاضری استثنی کی درخواست منظور کر لی۔عدالت نے عمر ایوب اور زرتاج گل کی عبوری ضمانتوں میں توسیع کرتے ہوئے 17 جنوری تک سماعت ملتوی کر دی۔یاد رہے کہ عمر ایوب اور زرتاج گل کے خلاف تھانہ کینٹ میں مقدمہ درج ہے، ایف آئی آر میں ملزمان پر توڑ پھوڑ اور جلا ئوگھیرا ئوکی سازش کا الزام ہے۔

کریڈٹ : انڈیپنڈنٹ نیوز پاکستان-آئی این پی