نائب امیر جماعت اسلامی پاکستان لیاقت بلوچ نے کہا ہے کہ 26 ویں آئینی ترمیم کو پارلیمنٹ ہی ختم کرے گی اور عدلیہ کی آزادی بحال ہوگی۔اپنے ایک بیان میں لیاقت بلوچ نے کہا کہ ملی یکجہتی کونسل کا مرکزی وفد 27 جنوری کو کرم صورتحال پر وزیراعلی کے پی کے علی امین گنڈاپور سے اسلام آباد میں ملاقات کرے گا۔انہوں نے کہا کہ مشترکہ مفادات کونسل میں وفاق صوبوں کے اعتراض دور کرے، انسانی اسمگلنگ کا قلع قمع ہونا چاہئے، مزدور دشمن اقدامات پر اتحادی حکومت ایک پیج پر ہیں۔لیاقت بلوچ نے کہا کہ ایک سال بعد پبلک اکانٹس کمیٹی کا چیئرمین انتخابات اچھا اقدام ہے، سینیٹر اعجاز چوہدری کے پروڈکشن آرڈرز پر عمل نہ کرنے پر چیئرمین سینیٹ کا اقدام اچھا ہے۔

کریڈٹ: انڈیپنڈنٹ نیوز پاکستان-آئی این پی