فیصل آباد چیمبر آ ف کامر س اینڈانڈسٹری کے صدر ڈاکٹر خرم طارق نے ترکیہ کے حالیہ انتخابات میں رجب طیب اردگان کو تیسری مرتبہ صدر منتخب ہونے پر مبارکباد پیش کی ہے اور اس توقع کا اظہار کیا ہے کہ ان کے اس دور میں نہ صرف پاکستان کے دو طرفہ تعلقات میں مزید بہتری آئے گی بلکہ دونوں ملکوں کے تجارتی حجم کو بھی5ارب ڈالر تک پہنچایا جا سکے گا۔انہوں نے کہا کہ وہ ترکیہ کے عوام کو بھی مبارکباد پیش کرتے ہیں جنہوں نے ایسی بہترین شخصیت کا انتخاب کیا جسے نہ صرف اپنے عوام کی بھر پور تائید و حمایت حاصل ہے بلکہ وہ ترکیہ کو سیاسی اور معاشی بحران سے نکالنے کی بھی مکمل صلاحیت بھی رکھتی ہے۔ انہوں نے اس توقع کا اظہار کیا کہ ترکیہ ان کی قیادت میں بین الاقوامی سطح پر عالم اسلام کے اتحاد اور ترقی کیلئے بھی انتھک کوششیں کرے گا۔

کریڈٹ: انڈیپنڈنٹ نیوز پاکستان-آئی این پی