بنوں وولن ملز لمیٹڈ کا خالص منافع گزشتہ مالی سال کی اسی مدت کے مقابلے میں جاری مالی سال کی پہلی ششماہی کے دوران 567.3 فیصد تیزی سے بڑھ کر 346.3 ملین روپے ہو گیا۔ ویلتھ پاک کی رپورٹ کے مطابق کمپنی کی آمدنی 862.2 ملین سے 10.7 فیصد کم ہوکر 769.9 ملین روپے ہوگئی۔ اس کمی کا اہم عنصر مہنگائی میں اضافہ تھا جس نے صارفین کی قوت خرید کو متاثر کیا۔مجموعی منافع 15.53 فیصد کمی کے ساتھ 191.4 ملین روپے تک پہنچ گیا۔ تاہم، زیر جائزہ مدت کے دوران انتظامی اخراجات میں 28.89 فیصد اضافہ ہوا۔مزید برآں، آپریٹنگ منافع میں پچھلے سال کی اسی مدت کے مقابلے میں 27.78فیصدکی کمی دیکھی گئی۔ خالص منافع میں نمایاں اضافے نے فی حصص آمدنی کو 36.43 روپے تک دھکیل دیا۔کمپنی کا خالص منافع مالی سال 23 کی اسی سہ ماہی کے مقابلے میں 675.4 فیصد بڑے پیمانے پر بڑھ کر 371.3 ملین روپے تک پہنچ گیا۔ اس کی وجہ سے فی حصص آمدنی میں ناقابل یقین حد تک اضافہ ہوا، جو 5.04 روپے سے بڑھ کر 39.07 روپے ہو گیا۔تاہم کمپنی کے مجموعی منافع میں 15.39 اور آپریٹنگ منافع میں 17.83فیصدکی کمی واقع ہوئی۔دوسری جانب اس سہ ماہی میں انتظامی اخراجات میں 34.25 فیصد اضافہ ہوا۔کمپنی نے اپنے غیر موجودہ اثاثوں میں 12.77 فیصد اضافہ کیا، جو جون 2023 کے 2.41 بلین روپے سے دسمبر 2023 میں 2.71 بلین روپے تک پہنچ گیا۔تاہم، موجودہ اثاثے جون 2023 میں 1.23 بلین روپے سے گھٹ کر دسمبر 2023 میں 1.20 بلین روپے رہ گئے۔دسمبر 2023 میں کل اثاثے 7.69 فیصد بڑھ کر 3.92 ارب روپے ہو گئے جو جون 2023 میں 3.64 ارب روپے تھے۔

وولن کمپنی نے دسمبر 2023 کے آخر میں 3.18 بلین روپے کی کل ایکویٹی رجسٹر کی، جو جون 2023 کے 2.8 بلین روپے سے 12.18 فیصد زیادہ ہے۔ موجودہ واجبات 495.11 ملین روپے ہیں جو جون 2023 کے 583.77 ملین روپے سے 15.19 فیصد کم ہیں۔2020 میں، بنوں وولن ملز لمیٹڈ نے 32.86فیصدمجموعی منافع مارجن پوسٹ کیا۔ اس سے ظاہر ہوتا ہے کہ کمپنی منافع کمانے کے لیے خاطر خواہ آمدنی پیدا کرنے میں ناکام رہی۔ اس نے صرف 2021 میں 13.69فیصدکا خالص منافع مارجن درج کیا۔ چار سالوں کے دوران، کمپنی کی فی حصص آمدنی میں ملا جلا رجحان دیکھا گیا ۔ تاہم، کمپنی نے 2021 میں 188.1 فیصد اور 2023 میں 48.19 فیصد کی فی حصص آمدنی میں اضافہ کیا۔ایندھن کی قیمتوں اور توانائی کے نرخوں میں مسلسل اضافے کی وجہ سے بڑھتی ہوئی افراط زر اور آپریشنل لاگت کمپنی کے لیے سنگین مسائل پیش کرتی ہے۔ معاشی بدحالی کاروباری اداروں کے اعتماد کو متاثر کرتی ہے۔ تاہم، نئی حکومت کی جانب سے عوامی اخراجات میں کمی، شرح سود میں ممکنہ کمی، زیادہ غیر ملکی سرمایہ کاری اور آئی ایم ایف کی مدد معاشی استحکام کا باعث بن سکتی ہے۔بنوں وولن ملز لمیٹڈ کا قیام 1960 میں عمل میں آیا۔ کمپنی کا بنیادی کام اونی دھاگے، کپڑے اور کمبل کی تیاری اور فروخت ہے۔

کریڈٹ: انڈیپنڈنٹ نیوز پاکستان-آئی این پی