سان فرانسسکو(شِنہوا)امریکی ریاست الاسکا میں دو فوجی ہیلی کاپٹر گر کر تباہ ہونے سے تین امریکی فوجی ہلاک اور ایک زخمی ہو گیا۔

امریکی فوج الاسکا کے ترجمان جان پنیل کے مطابق تربیتی پرواز سے واپسی کے بعد  حادثہ الاسکا کے دورافتادہ علاقے ہیلی کے قریب پیش آیا۔ ہر ہیلی کاپٹر میں دو افراد سوار تھے۔

 حادثے کی وجوہات کی تحقیقات جاری ہیں۔ یہ ایک ماہ سے بھی کم عرصے میں امریکہ میں فوجی ہیلی کاپٹروں کو پیش آنے والا دوسرا حادثہ ہے۔

امریکی فوج نے اس واقعے میں متاثر ہونے والے فوجیوں کی شناخت نہ ظاہر کرتے ہوئے کہا کہ ان کے نام اس وقت تک پوشیدہ رکھے جائیں گے جب تک کہ لواحقین کو اطلاع نہیں دی جاتی۔