لاس اینجلس(شِنہوا) امریکہ کی نجی خلائی کمپنی سپیس ایکس نومبر کے وسط میں اپنی مکمل مربوط سٹار شپ کا دوسرا فلائٹ ٹیسٹ کرے گی۔

سپیس ایکس کے مطابق، سٹار شپ  اور اس کے سپر ہیوی بوسٹر کو خلا میں بھیجنے کی کوشش کی جاسکتی ہے، جس کے لیے ریگولیٹری منظوری حاصل کرنا باقی ہے۔

زیر التواء منظوری ایک لانچ لائسنس ہے،جسے امریکہ کے وفاقی ایوی ایشن کے ادارے نے پرواز کے لیے ابھی تک نہیں دیا ۔

اسپیس ایکس فلائٹ ٹیسٹ کیپچر کرنے کے لیے ریموٹ کیمروں اور لائیو سٹریمنگ آلات کے سیٹ اپ کی سہولت فراہم کرے گا۔

اسپیس ایکس نے رواں سال اپریل میں اپنے مکمل انٹیگریٹڈ اسٹار شپ اور سپر ہیوی راکٹ کی پہلی آزمائشی پرواز کی تھی، لیکن یہ ٹیکساس کے جنوبی بوکا چیکا میں اسپیس ایکس کے اسٹاربیس لانچ پیڈ سے چھوڑے جانے کے بعد پھٹ گیا تھا۔