ولادیووسٹوک(شِنہوا) روس کے دو خلابازوں نے سویوزایم ایس-22 خلائی جہاز کا دباؤ کم ہونے کے باعث ملنے والے وقفے کے بعد بدھ کے روز اس سال کی پہلی سپیس واک کی۔

روس کی آر آئی اے نووستی کی ایک رپورٹ کے مطابق روسی خلاباز سرگئی پروکوپیف اور دمتری پیٹلین نے بین الاقوامی خلائی اسٹیشن (آئی ایس ایس) کے ایک ماڈیول سے ایک ریڈی ایٹر کودوسرے ماڈیول منتقل کرنے کے لیے خلا میں قدم رکھا۔

یہ سپیس واک پیٹلین کے لیے دوسری اور پروکوپیف کے لیے چوتھی تھی۔

خلابازوں کو اضافی ریڈی ایشن ہیٹ ایکسچینجر اور "زریا" ماڈیول کے درمیان ایک برقی کیبل کو منقطع کرنے، ریڈی ایٹر سے ایک پلگ ہٹانے اور پھرریڈی ایٹر کو ماڈیول سے منسلک کرنے والے چار لاکس کھولنے کا کام سونپا گیا تھا۔