کوالالمپور (شِنہوا) ملائیشیا کی ریاست ملاکا کے وزیر اعلیٰ ابورؤف یوسف نے کہا ہے کہ ریاست مختلف شعبوں میں چینی سرمایہ کاروں کا خیرمقدم کرتی ہے اور انہیں سرمایہ کاری پر راغب کرنے کے لیے مراعات فراہم کر رہی ہے۔

ان خیالات کا اظہار انہوں نے ملاکا میں چائنہ جنرل نیوکلیئر پاور کارپوریشن کے ذیلی ادارے ایڈرا پاور ہولڈنگز کی جانب سے منعقدہ تعلیمی امدادی سرگرمی میں شرکت کے دوران کیا۔

تقریب سے خطاب میں انہوں نے نہ صرف ریاست کی اقتصادی ترقی میں پائیدار توانائی فراہم کرنے میں ایڈرا کی قابل ستائش خدمات بلکہ لوگوں کی زندگیوں میں مثبت تبدیلیاں لانے کا بھی اعتراف کیا جو سیکھنے اور کامیابی کے خواہاں ہیں۔

انہوں نے یہ بھی کہا کہ ملاکا چین کے ساتھ سیاحت، فنون اور ثقافت میں تعاون بڑھانے کا خواہاں ہے کیونکہ ملاکا اور چین کے درمیان تعلقات کی تاریخ 600 برس سے زائد عرصے پر محیط ہے۔

ایڈرا پاور ہولڈنگز کے چیئرمین دائی ہونگ گانگ نے کہا کہ تعلیمی امداد ملائیشین حکومت کے طلباء کو معیاری اور جامع تعلیم کی فراہمی کے مقاصد سے مطابقت رکھتی ہے تاکہ وہ اپنی پوری صلاحیت استعمال کرسکیں۔

دائی نے کہا کہ گزشتہ ایک برس کے دوران ملاکا، سیلانگور، نیگیری سیمبیلان اور کیدہ ریاستوں کے 26 اسکولوں کے 1 ہزار سے زائد 600 طلباء اس امدادی پروگرام سے مستفید ہوچکے ہیں۔