رم اللہ(شِنہوا)مغربی کنارے کے شمالی شہر جینن کے نزدیک اسرائیلی فوجیوں کے ساتھ تصادم کے دوران ایک فلسطینی نوجوان جاں بحق ہو گیا ہے۔

فلسطین کی وزارت صحت نے جمعرات کے روز ایک اخباری بیان میں بتایا کہ 17 سالہ عودی صلاح کو اسرائیلی فوجیوں نے کفردان گاؤں میں جھڑپوں کے دوران سر میں گولی ماری جس سے وہ جانبر نہ ہو سکا، مزید بتایا کہ 2 فلسطینی زخمی بھی ہوئے ہیں۔

فلسطینی عینی شاہدین نے بتایا کہ گاؤں میں شدید جھڑپیں اس وقت شروع ہوئیں جب اسرائیلی فوج نےگزشتہ روز فائرنگ کے تبادلے میں مرنیوالے 2 فلسطینیوں کے گھروں پر دھاوا بولا ، فائرنگ کے تبادلے میں ایک اسرائیلی فوجی بھی ہلاک ہوا تھا۔ مزید بتایا کہ اسرائیلی فوجیوں نے دونوں افراد کے اہل خانہ سے پوچھ گچھ کی اور گاؤں سے نکلنے سے قبل 2 فلسطینیوں کو حراست میں لے لیا۔

اسرائیلی فوج کے ایک ترجمان نے بتایا کہ اسرائیلی فوج نے 2 فلسطینی حملہ آوروں کے گھروں پردھاوا بولا جنہوں نے گزشتہ روز ایک اسرائیلی اہلکار کو ہلاک کر دیا تھا۔