نوم  پنہ (شِنہوا) کمبوڈیا میں چینی سرمایہ کاری سے بنائے گئے سیہانوک ویل خصوصی اقتصادی زون(ایس ایس ای زیڈ ) کے ذریعے ہونی والی درآمدات اور برآمدات کی مالیت سال 2022 کے پہلے 9 ماہ کے دوران بڑھ کر 1.9 ارب امریکی ڈالرز تک پہنچ گئی ہے ۔

 اس زون کےمنتظمین کی جانب سے ایک رپورٹ میں کہا گیا ہے کہ یہ حجم گزشتہ سال کی اسی مدت کےدوران 1.57اب ڈالرز کی نسبت 21 فیصد زیادہ ہے۔

جنوب مغربی ساحلی پریاہ سیہانوک صوبہ میں واقع سیہانوک ویل خصوصی اقتصادی زون حجم اور مشمولہ رقبے کے لحاظ سے ملک کا سب سے بڑا صنعتی زون ہے۔

کمبوڈیا کی وزارت تجارت کے انڈرسیکرٹری آف اسٹیٹ اور ترجمان پین سووی چیت نے کہا ہے کہ بیلٹ اینڈ روڈ انیشی ایٹو کے فریم ورک کے تحت سیہانوک ویل خصوصی اقتصادی زون ہرایک کی جیت پر مبنی تعاون کی بہترین مثال ہے۔

انہوں نےشِنہوا کو بتایا کہ سیہا نوک ویل خصوصی اقتصادی زون نے کارکنوں کوروزگار کے بہت سارے مواقع فراہم کیے ہیں۔ اس کے ساتھ صنعتوں کےایک مجموعے  کے لیے ایک رول ماڈل کے طور پر اور برآمدات کے لیے ایک بنیاد کے طور پر کام کیا ہے۔

یہ سیہانوک ویل خصوصی اقتصادی زون سیہانوک ویل خوداختیار بندرگاہ کے قریب واقع ہے، جو کمبوڈیا اوردیگر ملکوں کے مابین تجارتی تبادلے کے لیے بہت آسان ہے۔