ٹوکیو(شِنہوا) جاپان کے حکمران اتحاد، لبرل ڈیموکریٹک پارٹی اور کومیتو پارٹی نے جاپان کی طرف سے برطانیہ اور اٹلی کے ساتھ  مل کر تیار کردہ اگلی نسل کے لڑاکا طیارے تیسرے ممالک کو برآمد کرنے کی اجازت دینے پر اتفاق کرلیا ہے جو جاپان کے ہتھیاروں کی برآمد پر کنٹرول میں مزید نرمی اور  امن پسند آئین کے خلاف ایک اور قدم ہے۔ حکمران اتحاد کی دونوں پارٹیوں کے درمیان ہونے والے معاہدے کے مطابق جاپان کو صرف تیسرے ممالک کو براہ راست ہتھیار برآمد کرنے کی اجازت ہوگی جو اس وقت نئے لڑاکا طیاروں کی مشترکہ تیاری میں شامل ہیں۔ مزید برآں، اس ملک کا جاپان کے ساتھ دفاعی سازوسامان کی برآمد سے متعلق معاہدہ اور کسی جاری تنازعہ میں ملوث نہ ہونے کی شرائط لازمی ہیں۔ اس کے علاوہ  انفرادی برآمدی امور کابینہ کی منظوری سے مشروط ہوں گے۔ معاہدے کی شرائط کے مطابق  اس وقت 15 ممالک ایسے ہیں جو برآمد کے لیے اہل ہیں، جن میں مشترکہ ترقیاتی شراکت داروں کے علاوہ امریکہ، جرمنی، بھارت اور فلپائن بھی شامل ہیں۔