دمشق(شِنہوا)شام کی سرکاری خبر رساں ایجنسی کے مطابق پیرکو دن کے وقت دارالحکومت دمشق میں ہونیوالے 2 دھماکےاسرائیلی حملے کی وجہ سے ہوئے ہیں۔

حملوں کے درست اہداف کا ابھی تک پتہ نہیں چل سکا ہے۔

مقامی وقت کے مطابق دوپہر تقریباً 2 بجے (سہ پہر 4 بجے پاکستانی وقت) پر دمشق میں 2 دھماکوں کی آوازیں سنائی دیں تھیں ۔یہ ایک غیر معمولی واقعہ ہے کیونکہ 2018ء میں مسلح باغیوں کی شکست کے بعد سے دارالحکومت کافی حد تک پرسکون ہے اور کبھی کبھار ہونیوالے اسرائیلی حملے بھی عام طور پر نصف شب کے بعد ہوتے ہیں۔

رپورٹ کے مطابق ابتدائی تحقیقات سے پتہ چلتا ہے کہ حملوں میں دارالحکومت میں فوجی مقامات کو نشانہ بنایا گیا۔