بیجنگ (شِنہوا)چین کے دفاعی ترجمان نے کہا ہے کہ چینی فوج دونوں سربراہان مملکت کے درمیان طے پانے والے اتفاق رائے کو عملی جامہ پہنانے کے لیے امریکی ہم منصب کے ساتھ مل کر کام کرنے کے لیے تیار ہے۔ وزارت قومی دفاع کے ترجمان وو چھیان نے کہا کہ چین دونوں ممالک کی افواج کے درمیان تعلقات کو قدر کی نگاہ سے دیکھتا ہے۔ دونوں سربراہان مملکت کے درمیان طے پانے والے اتفاق رائے کے مطابق، دونوں ممالک برابری اور احترام کی بنیاد پر، دونوں فوجوں، چین-امریکہ کے درمیان اعلیٰ سطحی رابطے دوبارہ شروع کریں گے۔ دفاعی پالیسی تعاون مذاکرات اور چین-امریکہ ملٹری میری ٹائم مشاورتی معاہدے کے اجلاس اور تھیٹر کمانڈروں کے درمیان ٹیلی فون پر بات چیت کا انعقادکریں گے۔ وو نے کہا کہ دونوں ممالک کے دفاعی حکام اس سلسلے میں ایک دوسرے کے ساتھ رابطے اور ہم آہنگی میں ہیں۔