نیو یارک (شِنہوا) چین کے نائب صدر ہان ژینگ نے کہا ہے کہ چین سیرالیون کے ساتھ مختلف شعبوں میں عملی تعاون بڑھانے اور عالمی امن و ترقی کو مشترکہ طور پر فروغ دینے کے لیے تیار ہے۔

ہان نے یہ بات نیو یارک میں اقوام متحدہ کی جنرل اسمبلی کے 78 ویں اجلاس کے موقع پر سیرالیون کے صدر جولیس ماڈا بائیو سے ملاقات کے دوران کہی۔

ہان نے چین کے صدر شی جن پھنگ کی جانب سے بائیو کو دلی مبارکباد پیش کی۔

ہان نے کہا کہ چین اور سیرالیون مخلصانہ دوستی اور باہمی حمایت کے ساتھ اچھے بھائی اور اچھے دوست ہیں اور دونوں فریقین نے ہمیشہ ایک دوسرے کے بنیادی مفادات اور اہم خدشات سے متعلق امور پر ایک دوسرے کی مضبوطی سے حمایت کی ہے۔

بائیو نے ہان سے چینی صدر  کے لیے نیک خواہشات کا اظہار کرنے کو کہا اور گزشتہ برسوں کے دوران سیرالیون کی بے لوث مدد پر چین کا شکریہ ادا کرتے ہوئے کہا کہ چین سیرالیون کے عوام کا ایک قابل اعتماد اچھا دوست ہے۔