ژینگ ژو(شِنہوا) آج کے صوبہ ہینان میں قدیم دارالحکومت لویانگ کے مقام پر وی اور جن (420-220) عہد سے تعلق رکھنے والی 80 سے زائد آبی را ہدا ریاں دریافت ہو ئی ہیں ۔
یہ تحفظ آب کی سہولیات کی تعمیر میں استعمال ہونے والی پختہ تکنیک اور اس وقت کے آبی وسائل کے استعمال اور ماحولیاتی ترقی کی صلاحیت کی نشاندہی کرتے ہیں۔
قدیم محل کے چھیان چھیو دروازے کے مقام پر کھدائی کا آغاز 2021 میں ہوا تھا ، جبکہ محققین کو بعد میں دروازے کے مقام کے نیچے بڑے پیمانے پر زیر زمین پانی کے راستے ملے۔
چائنیز اکیڈمی آف سوشل سائنسز کے تحت انسٹی ٹیوٹ آف آرکیالوجی سے وابستہ گو شیاؤ تاؤ نے کہا کہ اب تک پانی کے 4 راستے دریافت کیے گئے ہیں۔
یہ تمام پتھر سے بنے جنوب مغرب سے شمال مشرق تک ایک ساتھ چلتے ہیں جو کہ راستے کی ایک ساتھ تعمیر اور ایک مربوط تعمیراتی منصوبہ بندی کی تصدیق کرتے ہیں۔
بڑے پیمانے پر خاکے اور شاندار ڈیزائن کے ساتھ اس طرح کی تحفظ آب سہولیات سب سے پہلے لویانگ قدیم شہر پر کھدائی کے دوران در یافت ہوئی تھیں۔
نہروں کے اوپر مین ہول احاطہ کرتے ہیں جس میں بارش کا پانی جمع کرنے کی سہولت کے لئے سوراخ مربع شکل میں ہیں۔ خیال کیا جاتا ہے کہ پانی کے راستے کے یہ آثار باہر سے پیلس سٹی کو پانی مہیا کرتے تھے جہاں سے پانی شاہی محل کے شمال میں شی یاؤ باغ کی جھیلوں میں چلاجاتا تھا۔
انسٹی ٹیوٹ سے وابستہ لیو تاؤ نے کہا کہ یہ سہولیات ممکنہ طور پر قدیم دارالحکومت کے پیلس سٹی میں باغ کے پانی کا رخ موڑنے کے منصوبے کا حصہ تھیں ، جسے بعد میں شمالی وی عہد(534-386) کے شہنشاہ شیاؤوین نے دوبارہ استعمال کیا۔
لیو نے مزید کہا کہ یہ دریافت اس وقت لویانگ کے شاہی باغ کے خاکے کی مزید کھوج کرتی ہے اور جدید شہری آبی وسائل کے استعمال میں ایک تاریخی حوالہ کے طور پر کام آسکتی ہے۔
