ہانگ کانگ(شِنہوا) چین کے65 اولمپیئنز جن میں پیرس اولمپکس 2024 میں طلائی تمغہ جتنے والے59 کھلاڑی شامل ہیں،29 سے 31 اگست تک ہانگ کانگ کا دورہ کریں گے۔
پیرس اولمپکس 2024 میں، چین نے اوورسیز اولمپکس میں اپنی اب تک کی بہترین کارکردگی کا مظاہرہ کرتے ہوئے 40 طلائی تمغوں کے ساتھ مجموعی طور پر میڈل ٹیبل میں دوسری پوزیشن حاصل کی۔
چین نے متعدد ٹیم ایونٹس میں کامیابیاں حاصل کیں جن میں خواتین کی سوئمنگ ٹیم ، خواتین کے گروپ آل راونڈ ردھمک جمناسٹک اور مردوں کے 4x100m ریلے کے ساتھ 60 کھلاڑی پوڈیم پر پہنچنے میں کامیاب ہوئے۔
ہانگ کانگ خصوصی انتظامی علاقے کی حکومت کے اعلان کے مطابق خواتین کی سنگلز ٹینس چیمپئن اور اولمپک چیمپئن ژینگ چھن وین ہانگ کانگ آنے والے کھلاڑیوں میں شامل نہیں ہوں گی کیوں کہ وہ نیویارک میں یو ایس اوپن کی تیاریوں میں مصروف ہیں۔
ٹیم ایونٹ میں پیرس میں چھٹا اولمپک گولڈ میڈل جیتنے والی ٹیبل ٹینس اسٹار ما لونگ تیسری مرتبہ اولمپک وفد کے رکن کے طور پر ہانگ کانگ کا دورہ کریں گی۔
