وین تیان (شِنہوا) وین تیان میں دوسرے بیلٹ اینڈ روڈ لاؤس۔ چین تعاون فورم کا انعقاد کیا گیا جس میں چین۔لاؤس اقتصادی راہداری میں تعاون کے فروغ بارے متعدد معاہدوں پر دستخط ہوئے۔
فورم میں شِنہوا نیوز ایجنسی کے ماتحت چائنہ اکنامک انفارمیشن سروس نے نئے دور میں چین-لاؤس اقتصادی اور تجارتی تعاون کے نئے مواقع کے عنوان سے دو زبانوں میں ایک رپورٹ جاری کی۔
رپورٹ میں چین اور لاؤس کے درمیان اقتصادی اور تجارتی تعاون کی کامیابیوں کا خلاصہ پیش کرتے ہوئے چین ۔ لاؤس تعاون کے اہم منصوبوں بابت بتایا گیا اور دونوں ممالک کے درمیان مستقبل میں تعاون کے وسیع مواقع کی پیش گوئی کی گئی ہے۔
اجلاس میں بیلٹ اینڈ روڈ انیشی ایٹو (بی آر آئی) کی آفیشل ویب سائٹ بیلٹ اینڈ روڈ پورٹل نے چین ۔لاؤس اقتصادی راہداری کے ویب پیج سیکشن کا باضابطہ آغاز کیا گیا اور لاؤ نیوز ایجنسی کے ساتھ تعاون کی یادداشت پر دستخط ہوئے۔
چائنیز ٹائمز (لاؤس) کے دو زبانوں پر مشتمل کالم سلک روڈ ایکسپریس کا باضابطہ طور پر اجراء کردیا گیا جو بیلٹ اینڈ روڈ منصوبوں میں پیشرفت اور چین- آسیان (جنوب مشرقی ایشیائی اقوام کی تنظیم) کے تعاون بارے گرافک اور ویڈیو معلومات لاؤ اور انگریزی زبان میں مقامی لوگوں کو پیش کرے گا۔
فورم میں شرکت کرنے والے چینی اور لاؤ کاروباری اداروں اور تنظیموں نے مختلف شعبوں جیسے مالیات ، مواصلات، ثقافت اور سیاحت وغیرہ میں تعاون کے معاہدوں پر بھی دستخط کئے۔
